திருநெல்வேலி மாவட்ட காவல் ஆய்வாளர்கள் மற்றும் நேரடி உதவி ஆய்வாளர்களுக்கு தடய அறிவியல் (Forensic Science) குறித்த பயிற்சி வகுப்பு

திருநெல்வேலி மாவட்டத்தில் உள்ள அனைத்து உட்கோட்ட காவல் நிலைய காவல் ஆய்வாளர்கள் மற்றும் நேரடி உதவி ஆய்வாளர்களுக்கு தடய அறிவியல் சம்மந்தமான பயிற்சி வகுப்பு நடைபெற்றது.  இப்பயிற்சி வகுப்பு பணியில் நன்கு தேர்ச்சி பெற்ற தடய அறிவியல் துறை  உதவி இயக்குநர் திரு. K. பாரி,(ஒய்வு) அவர்களால் பயிற்ச்சிவிக்கப்பட்டது. 

 இப்பயிற்சி வகுப்பில் குற்ற நிகழ்விடத்தில் அறிவியல் ரீதியாக புலனாய்வினை கையாள்வது பற்றியும், சந்தேக நபரை விசாரணைக்கு அழைத்து வரும்போது சந்தேக நபரிடம் விசாரணையை எவ்வாறு கையாள்வது என்பது பற்றியும், தடயங்களை சம்பவ இடத்தில் இருந்து எவ்வாறு சேகரிப்பது என்பது பற்றியும்,  தடய அறிவியல் ரீதியாக கண்டுபிடிக்கப்பட்ட முக்கியமான வழக்குகள் பற்றியும் பயிற்சி அளிக்கப்பட்டது. முக்கியமான வழக்குகளில் தடய அறிவியலை பயன்படுத்தி வழக்குகளை கண்டுபிடித்து நீதிமன்றத்தில் குற்றவாளிகளுக்கு எளிதில் தண்டனை பெற்றுத் தரவும், காவல் விதிமீறல்களை தவிர்க்கவும் (Custodial violence), தடய அறிவியல் பயன்படுகிறது.

மேலும் சிறப்பாக பயிற்சி வித்த ஓய்வு பெற்ற  தடய அறிவியல் துறை உதவி இயக்குனர் திரு. K.  பாரி, அவர்களை திருநெல்வேலி மாவட்ட காவல்துறை சார்பில் SP.P.சரவணன் IPS பாராட்டி கேடயம் வழங்கி கௌரவிக்கப்பட்டது.

தலைமைநிருபர்.S.சண்முகநாதன்.